Í fjør setti Atlantic Aiways “Atlantic Airways Aviacation Academy” á stovn. Hetta ger, at vit í Føroyum framyvir kunnu bjóða framkomnar simulatorvenjingar til bæði tyrlur og flogfør.

Tað er krav frá myndugleikunum, at flogskiparar fáa regluligar simulatorvenjingar – og við okkara egna simulatori gerst hetta munandi lættari. Samstundis stuðlar hetta uppundir tann flogskúlan, sum Atlantic Airways longu hevur sett á stovn.
Hetta gagnar ikki bara okkara egnu flogskiparum, men ger, at vit kunnu bjóða flogskiparum úr øllum heiminum til fyrsta floks venjingar. Sostatt fáa vit enn eitt vinnuligt bein at standa á.

A320 simulatorurin verður væntandi klárir at taka í nýtslu í novembur.