Hvør í rúminum fer mest sannlíkt at gera eitt TikTok dansi-filmsbrot? Hvør fer mest sannlíkt at skifta flokk? Og skriva sjálvævisøgu?

Hetta og mangt annað skulu Ruth Vang, Jacob Vestergaard, Beinir Johannesen og Margit Stórá meta um - og svara í seinasta Fólkapoddi áðrenn summarsteðgin, sum varð sendur fríggjadagin 2. mai. 

Ein minni álvarsamur Fólkapoddur, sum er hin seinasti áðrenn summarsteðgin. Tó fara vit í flokkinum ikki í summarsteðg; bara poddurin fer í stuttan summarsteðg.

Hoyr nýggjasta Fólkapoddin her.

Góða móttøku

Fyrsti Fólkapoddur varð sendir í februar í ár, og síðani tá hevur hann verið at hoyrt hvønn hósdag. Móttøkan hevur verið nógv betri enn væntað. Ja, faktiskt framúrskarandi góð. Vit í Fólkaflokkinum eru fegin og takksom fyri, at so nógv fólk hava tikið Poddin til sín. Og til tykkum, sum ikki hava hoyrt poddin - farið inn á Spotify og lurtið. 

Partarnir, sum eru framleiddir, eita:

1. Beinir svarar spurningum frá lurtarum
2. Harðskapur í sambandi við at vera í politikki
3. Fólkaskúlin og telefonbann
4. Skótin, sum bleiv vinnulívsmaður og politikkari
5. Borgarligar kvinnur
6. Góðu starvsfelagnir á hvør sínum vongi
7. Stjørnuskotið í býráðnum
8. Humor kann flyta fjøll
9. Innskifting við Jóhan Eli og Grími
10. Politikkarar, sum eru børn hjá politikkarum
11. Jacob Vestergaard
12. Framtíðin er borgarlig
13. Gaman og álvari