Á nevndarfundinum hin 12. mars valdi Símun Gullaksen, sum hevur verið formaður í Norðoya Fólkafloksfelag í 10 ár, at takka fyri seg.

At hava góð og virkin fólk í nevndum og í baklandinum, er ikki nøkur sjálvfylgja. Eitt ólønt arbeiði, sum hevur ómetaliga stóran týdning fyri flokkin.

Vit í Fólkaflokkinum eru takksom fyri stóra arbeiðið, Símun Gullaksen og nevndin hevur gjørt fyri flokkin, bæði tá tað hevur gingið við og ímóti.

Samstundis ynskja vit Rannvá Isaksen hjartaliga til lukku við forkvinnusessinum. Rannvá hevur sitið í nevndini í fleiri ár, umframt tað hevur hon eisini stillað upp til undanfarna kommunuval. Vit eru fegin um, at Rannvá hevur valt at bjóða seg fram og ynskja henni hepna hond.

Eisini ynskja vit nevndini blíðan byr!

Í nevndini eru:

• Rannvá Isaksen, forkvinna
• Kári Kallsberg , næstformaður
• Lena í Buð, kassameistari
• Heri Ellingsgaard, nevndarlimur
• Finn Hansen, nevndarlimur
• Herfrí Sørensen, tiltakslimur