2) Hvønn politikk ætlar landsstýrismaðurin annars at stinga út í kortið, sum kann steðga áhaldandi afturgongdini í privatu vinnuni?
3) Hvørjar ítøkiligar verkætlanir hevur landsstýrismaðurin á skránni fyri 2010?
4) Nær væntar landsstýrismaðurin at sjónlig 

Viðmerkingar:
Í fjør summar arbeiddi landsstýrið við uppskotum, sum skuldu stimbra vinnulívið. M.a. var ætlan við vakstrarpakka nógv umrøddur, og boðaði landsstýrismaðurin eisini frá innihaldinum í virksemisskapandi átøkum.
Hóast vinnuligu umstøðurnar á ongan hátt eru batnaðar síðani, heldur tvørtur ímóti, so er lítið hent, sum stuðlar uppundir virðisskapandi virksemi í landinum. Hetta er serstakliga sjónligt, nú vit dagliga hoyra um uppsagnir í hópatali.
Tað bøtti heldur ikki um støðuna, at íløguparturin á fíggjarlógini fyri 2010 varð skerdur munandi. Tá ljóðaði, at landsstýrið beinanvegin aftaná ársskiftið fór at gera neyðugar íløguraðfestingar. Nú vit eru farin inn í annan mánaða í árinum, er einki frætt um, hvat landsstýrismaðurin hevur í hyggju á økinum. 

Tað er sjón fyri søgn, at hjá nógvum fyritøkum í byggivinnuni hongur raksturin í klønum tráð, har stórur vandi er fyri, at lykilin verður snaraður um og fólk í hópatali verða send til hús.
Hetta er ein vanlukka fyri fyritøkurnar, umframt at samfelagið missir ekspertisu á nógvum økjum sum er neyðug fyri skilagóðum vinnuligum rakstri í einum framkomnum kappingarførum samfelag.
Støðan er serstakliga álvarsom, og verða omanfyrinevndu spurningar tí settir landsstýrismanninum í vinnumálum.

Bjarni Djurholm,
løgtingsmaður