Tí sambært honum, skal hallið í 2015 vera heili 529 mió. kr. Fíggjarnevndin metur, at um ætlanin hjá honum verður fylgd kemur samfelagið beint í skuldarfelluna har ið rentubyrðan trýstur vælferðina niður. Nágreiniliga kann sigast, at rentan hevði verði kr. 100.000,- um dagin, svarandi til uppsøgn av einum almennum starvsfólki triðja hvønn dag. 

Fíggjarnevndin ynskir í høvuðsheitinum minka um stiðvíst at minka um almennu útreiðslurnar samstundis sum man ynskir at føra ein virksemisskapandi politikk.  

Hallið á fíggjarlógini er størsta avbjóðingin Løgtingið hevur fyri framman. Alneyðugt er at fáa hallið burtur, men samstundis gera tað í eini tilgongd, har ið samfelagið kann vaksa. 

Anfinn Kallsberg og Bill Justinussen hava í álitinum nakrar serstakar viðmerkingar eitt nú, at um ikki fíggjarpolitikkurin verður lagdur í tryggari karmar, er vandi fyri, at Føroyar við tíðini kunnu enda í somu støðu sum Grikkaland. Og at í uppskoti landsstýrismansins verða stórar rokningar sendar familjum og vinnu. Teir eru sannførdur um, at tílík átøk fara at minka um búskapin, og fer væntaði inntøkurvøksturin tí als ikki at halda. Teir vísa á, at í flestu londum rundan um okkum verða heldur stimbrandi átøk fram. Hetta fyri at skapa ein neyðugan búskaparvøkstur. Og tískil taka teir ikki undir við ætlaðu inntøkulógunum hjá landsstýrismanninum í fíggjarmálum, men mæla heldur til ein virkisskapandi politikk, sum kann vaksa um samfelagið og harvið eisini um landskassans inntøkur.

http://www.logting.fo/files/casestate/10139/165.09%20Alit%20Karmar.pdf